Odatda, logotip korporativ blokni tashkil etuvchi belgi va shrift qismlaridan iborat. Logotipni loyihalashda bizning mutaxassislarimiz har doim chuqur ma'noli bo‘lishga imkon beruvchi semantik asosni izlashdan boshlashadi. Bundan tashqari, biz olingan natijalarni qabul qilish va aniq o'qish uchun sinovdan o'tkazamiz. Logotip bir marta yaratilgach, yillar va o'nlab yillar davomida o'zgarishsiz qoladi, kompaniyaning o'ziga xos ramzi, barqarorlik va ishonch belgisi hisoblanadi. Kompaniyamizda logotipni ishlab chiqishning majburiy elementi logobook - logotipdan foydalanish qoidalari to'plami hisoblanadi.

Firma (korporativ) uslubi, boshqacha nomi "vizual o‘ziga xoslik" yoki "aydentika" (inglizcha identity) - yagona konsepsiyaga bog'langan grafik elementlar yordamida brend falsafasi va strategiyasini aks ettirishni bildiradi. Ishonchimiz komilki, yaxshi aydentikadagi eng muhim narsa - bu logotip, shriftlar, ranglar, grafik elementlarni qo'llab-quvvatlaydigan shior kabi brend atributlarini umumiy izchil tasvirga birlashtirgan katta g'oyadir. Ushbu yondashuv iste'molchi e'tiborini brendning asosiy farqlanib turuvchi qadriyatlariga qaratish va brendning taniqliligini oshirish imkonini beradi. Firma uslubi muvaffaqiyatining asosiy mezonlaridan biri uning qo‘llanish vaqti va muhitiga mos kelishidir. Birinchi bosqichda biz firma uslubining konsepsiyasini ishlab chiqamiz, keyin uni kerakli ommaviy axborot vositalariga moslashtiramiz va ish natijasi firma uslubidan foydalanish bo'yicha qo'llanma hisoblanadi. Aydentikani qo'llashning asosiy yo'nalishlari – digital (ijtimoiy tarmoqlar, veb-sayt, ilova), biznes hujjatlari, brend dizayni, kommunikatsiya materiallari, tovar, interyer va taqdimot materiallaridir. Ushbu hujjatning kengaytirilgan versiyasi - brand book (brend-buk) - brend platformasining asosiy elementlarini o'z ichiga oladi. Bu o'ziga xos "brend nizomi", ya’ni u yashaydigan va rivojlanadigan qoidalar va tamoyillar to'plamidir.

Funksional qiymat (mahsulot xususiyatlarini saqlab qolish, ishlab chiqarilgan sana, ishlab chiqaruvchi va h.k. to'g'risidagi shart bo‘lgan ma'lumotlarni yetkazib berish) dan tashqari yorliq va qadoq xaridorning sotib olish paytidagi tanloviga ta'sir qiladi. Biz bu narsani ko'pchilik odamlar kuchli his-tuyg'ular ta'sirida - impulsiv, deyarli o'ylamasdan sotib olishlari bilan izohlaymiz. Va bu yerda mahsulotning ko‘rinishi, uning qadog’i juda muhim rol o'ynaydi. Xaridorgir qadoqlarni yaratish san'atida ko'plab nozik tomonlari mavjud bo'lib, ular mahsulotning ko‘rinishiga va xaridorning sotib olish qaroriga katta ta'sir ko'rsatadi. Ko'p yillik tajribaga asoslanib, biz savdo maydonida brend kommunikatsiyasidan maksimal foyda olishni ta'minlash uchun qadoq shaklini ishlab chiqish, uning materiali, rangi, funksional xususiyatlarini tanlashga batafsil yondashamiz. Birinchi bosqichda mutaxassislarimiz umumiy konsepsiyani va uni mahsulotlar qatoriga aylantirishning variantlarini ishlab chiqadilar, tasdiqlangandan so'ng barcha SKU larga moslashtirish amalga oshiriladi va yakuniy bosqich - dizayn konsepsiyasi va uni ishlab chiqishning maqbul variantlarini tavsiflovchi gayd-buk – qo'llanma shakllantirish hisoblanadi. Biz ishlab chiqarish bosqichida, bosmaxona vakillari bilan bog'lanib, chop etishga jo'natishda mualliflik nazoratini majburiy ravishda amalga oshiramiz.

Brend dizayni ibrendning ste'molchi bilan samarali aloqaga kirishuvini ta'minlaydigan vositadir. U falsafaga va belgilangan vizual standartlarga muvofiq amalga oshirilishi kerak. Buklet, otkritka, taqvim yoki flayerni ishlab chiqishda biz brend tajribasiga tayanamiz hamda uning maqsadli auditoriyasining umidlarini hisobga olamiz. Bizning mutaxassislarimiz har doim o'z oldilariga brendning o‘ziga xosligini ta’kidlaydigan va iste'molchi e'tiborini jalb qiladigan qiziqarli, tushunarli va jozibali reklama materialini ishlab chiqish vazifasini qo'yadilar.